Jaag Kashmir News


Jaagkashmir.com urdu news dadyal mirpur azad kashmir

راولاکوٹ(جاگ کشمیر نیوزwww.jaagkashmir.com)

محکمہ شاہرات کی غفلت اور لاپرواہی حدیں پار کر چکی ہے سال میں دو چار مرتبہ بھی کارکردگی دکھانے کی زحمت نہیں کی جا رہی ،برفباری کوہفتہ گزر جانے کے باوجود سڑکوں کا بند ہونا سمجھ سے بالاتر ہے آفیسران نے کام نہیں کرنا تو مستعفی ہو کر گھر بیٹھ جائیں سال میں اربوں روپے ہڑپ کر جانے والے عوام کا ایک مسئلہ بھی حل نہیں کرتے مسلم لیگ(ن) آزاد کشمیر کی حکومت نے عوامی مسائل ہر قیمت پر حل کرنے کا تہیہ کر رکھا ہے 24گھنٹوں کے اند ر سڑکو ںسے برف ہٹا کر سڑکوں کو قابلِ استعمال نہ بنایا گیا تو کسی بھی اقدام سے گریز نہیں کریں گے ۔ان خیالات کا اظہار پاکستان مسلم لیگ(ن)ضلع پونچھ کے صدر اعجازیوسف ایڈووکیٹ نے برفباری کوایک ہفتے گزرجانے کے باوجود محکمہ شاہرات کی طرف سے اقدامات نہ کیے جانے پر اپنے رد عمل میں کیا ۔اعجازیوسف کا کہنا تھا کہ محکمہ شاہرات کو سال میں دو چار مرتبہ ہی ہنگامی بنیادوں پر اقدامات کرنے ہوتے ہیں مگر برفباری کے باعث سال بعد سڑکیں بند ہوں اور ہفتہ بھر بند رہیں ،یہ سب سمجھ سے بالاتر ہے عوامی ٹیکسوں پر چلنے والے سرکاری اداروں کی طرف سے یہ غفلت اور لاپرواہی ناقابل ِ برداشت ہے اعجازیوسف نے محکمہ شاہرات کو 24گھنٹوں کے اندر اصلاحِ احوال کا مطالبہ کرتے ہوئے کہا ہے کہ سرکاری اداروں کے جن آفیسران کو کام کرنے کا موڈ نہ ہو تو وہ مستعفی ہو جائیںبصورتِ دیگر کڑا احتساب کیا جائے گا۔

 


Next News Previous News
By Waqas Ch
11/01/2017 137 views

Leave A Comment